Arantzazu Urriak 15 GOL 2023

GOL 2023 – Arantzazu, Oñati – 2023ko urriaren 15a

EGITARAUA

Urriaren 15a, igandea

9:30ean Lehiaketa-zentroa irekitzea.
10:00etan Lehen irteerak.
12:00ean Azken irteerak.
14:30ean Helmuga ixtea.

INFORMAZIOA

Gipuzkoako Herri Orientazioko VII. GOL Ligako (2022-2023) 6. proba urriaren 15ean (Igandea) izango da, Arantzazun (Oñati).

Arantzazuko santutegitik Urbiarako bidean diren basoetan egingo da froga.

Froga Eskola Kirolari ere zuzendua dago. Beraz, aukera egongo da eskola kirola bezala izena emateko.

KOKALEKUA

Oñati herritik Arantzazura doan errepidea hartuko dugu.

Santutegiak badu aparkaleku nagusi bat ( P3 )baina azkar betetzen da; aitzitik, heldu baino 200 bat metro lehenago beste aparkaleku batzuk dituzue ( P1) eta (P2).

Froga eguna igandea izanik, mendizale, eliztar eta turista ugari hurbilduko da bertara. Beraz, kontuan hartu.

Lehiaketa Zentroa Arantzazuko Santutegiaren aparkaleku nagusian egongo da. Bertako oroigarrien dendaren arkupetan.

https://maps.app.goo.gl/vEkRFhRnpJ3ruHr79

INGURUNEA ERRESPETATZEA

Orientazio-proba Aitzgorri-Aratz Parke Naturalean egingo da, gune babestu batean, Natura 2000 Sareko Zainketa Bereziko Eremuan. Bertan behi- edo zaldi-taldeak aurkituko ditugu.

Proba ingurune natural batean antolatuko denez, ez da hornidurarik izango. Beraz, parte-hartzaile bakoitzak bere edaria eramatea gomendatzen da.

Ingurunea errespetatzea gure kirolaren lehentasunezko araua da!

INSKRIPZIOAK

Izena emateko epea urriaren 12an (osteguna) itxiko da, 22:00etan.

Antolatzaileek eskubidea dute izen-ematea aldez aurretik ixteko, uste baino izen gehiago eman badute; beraz, ez itxaron azken unera arte.

SPORTident pintza alokatu nahi duten lasterkariek lehiaketa eremutik pasatu beharko dute. Bestalde, iparrorratzik ez dutenei bat utziko zaie, dauzkagunak agortu arte. Kontuan izan alokatutako pintza galtzen duenak 40 €ordaindu beharko dituela. Iparrorratza galduz gero, 5 €ordainduko dira.

Inskripzioa Deporticket bidez egingo da: https://eu.deporticket.com/web-evento/9064-vii-liga-gol-de-orientacion-de-gipuzkoa—arantzazu

Inskripzio oharrak:

PARTE HARTZEN DUTEN GUZTIEK izena emanda egon behar dute proban, nahiz eta laguntzaileak bakarrik joan. Probaren egun berean ezin izanen da inskripziorik egin.

Erakundeak ez die parte hartzeko aukerarik ematen aldez aurretik izena eman ez dutenei.

IRTEERAK ETA ETORRIAK

Irteera, harrera lekutik 1.2 km-ra (15- 20 min). Arantzazuko eliza pasa eta mendi aldera joko dugu. Markatuta egongo da.

Irteerak mailakatuta egingo dira, lasterketan pilaketarik egon ez dadin minutu edo bi minutuan behin, lasterketan pilaketarik gerta ez dadin eta parte-hartzaileak hobeto kontrolatu ahal izateko.

Lehen irteerak 10:00etan izango dira eta azkenak 12:00etan. 14:30ean itxiko da helmuga.

Irteteko, ez da beharrezkoa 10:00etan bertan egotea. Irten nahi den ordua baino minutu batzuk lehenago joan besterik ez da egin behar Lehiaketa Zentrora.

Kronometrajea SPORTident sistemaren bidez egingo da.

Karrera amaitzen denean, SPORTident pintza deskargatu behar da nahitaez harrera-eremuan.

Parte-hartzaile guztiek nahitaez pasatu behar dute helmugatik, ibilbide osoa egin ez badute ere, antolatzaileek ziurtatu dezaten ez dela inor galduta egongo.

IBILBIDEAK

Ibilbideak formatu linealean egingo dira, hau da, kontrolak bilatzeko ezarritako ordena dago.

Gorria: 5,6 km eta 20 baliza – Teknikaria eta forma-maila ona.
Laranja: 4,4 km eta 17 baliza – Ez da hain teknikoa, baina orientazio-ezagutzak ditu.
Horia: 3, 1km eta 14 baliza – Hasiberriak eta familiarrak.

MAPA

Arantzazu-Iturrigorriko mapa Roberto Pascual Orcajo “Paski”-k sortu zuen 2017an, eta trazatzaileak “Paski” bera izango da..

Mapa zaharra denez, ibilbide laranja eta gorriko eremu batzuetan, baliteke landaredia eguneratuta ez egotea, landaredi txikia hazi baita, batzuetan oso trinkoa, baina hasiera batean erabili behar ez ziren tarteetan.

Aizkorri- Aratz parke naturalean ospatuko da GOL froga erakargarri hau. Kareharrizko mendilerroak babestuta, ta pagadi amaiezinak aurkitu ahal ditugun eremu zoragarrian; baita ere, lizar, pinu eta haritzez betetako baso ederrez gozatzeko aukera izango dugu.

Polainak edo galtza luzeak erabiltzea komeni da. Ibilbide gorri eta laranjetako tarteren batean linterna eramatea komeni da.

Ibilbide horia orientatzen hasi nahi duten pertsona guztientzat da, haurrak dituzten familientzat edo mendian ibilaldia egin nahi duten pertsonentzat, desnibel handirik izan gabe eta zailtasun handiko eremuetan sartu gabe.

Ibilbide guztiak 1: 7.500 eskalan egongo dira