Azpeitia – Otsailak 5 – GOL 2023

Gipuzkoako 2023ko herri-orientazioko V. Ligako 1. proba otsailak 5, igandean ospatuko da, Azpeitiako herrian. Harrera, irteera eta helmuga Azpeitiko plaza nagusiaren inguruan egongo dira.

PROGRAMA

Otsailak 5, igandea

  • 9:30 h: Harrera gunearen irekiera Azpeitiko plaza nagusian dagoen Azoka Plaza eraikinean.
  • 10:00 h: Lehen irteerak.
  • 10:15 h: Orientazioko oinarrizko ikastaroa harrera gunean (15 min).
  • 12:00 h: Azken irteerak.
  • 14:00 h: Helmugaren itxiera.

INFORMAZIOA

Gipuzkoako 2023ko herri-orientazioko V. Ligako 1. proba otsailak 5, igandean ospatuko da, Azpeitiako herrian. Harrera, irteera eta helmuga Azpeitiko plaza nagusiaren inguruan egongo dira.

INGURUNEA ERRESPETATZEA

Proba hiri-ingurunean egingo da, eta trafikoa irekita egongo da. Beraz, une oro errespetatu beharko dira dauden zirkulazio-arauak. Era berean, bide publikoko gainerako oinezkoekin kontu handiz ibiltzeko eskatzen da. Inguratzen gaituen ingurunearekiko errespetua gure kirolaren lehentasunezko araua da!

IRTEERAK ETA HELMUGA

Irteerak mailaka emango dira minuturo edo bi minuturo, lasterketan jende-pilaketak saihesteko eta parte-hartzaileak hobeto kontrolatzeko. Lehenengo irteerak 10:00etan egingo dira eta azkenak 12:00etan. Helmuga 14:00etan itxiko da eta ordu horretarako itzuli beharko da, ibilbidea amaitu ez bada ere.

Irteteko, ez da beharrezkoa 10:00etan bertan egotea; nahikoa harrera gunera hurbiltzea, irten nahi duzun orduan arabera, lehen orduan irten edo lasaiago ibili nahi duzun kontuan hartuta.

Lasterketa amaitzen denean, nahitaez deskargatu behar da SPORTident pintza harrera-gunean. Pintza deskargatzean, ticket bat emango da, ibilbidea egiteko erabilitako denborak adieraziz (denbora partzialak eta guztizkoa).

Parte-hartzaile guztiek nahitaez igaro behar dute helmugatik, ibilbide osoa egin ez badute ere, antolaketak parte-hartzaile guztiak ibilbidetik itzuli direla jakiteko.

IBILBIDEAK

Ibilbideak SCORE formatuan egingo dira, hau da, ez dago ezarrita kontrolak bilatzeko ordenarik; beraz, oso garrantzitsua da jarraituko den estrategia. Parte-hartzaile bakoitzak erabaki beharko du zer ordenatan pikatuko dituen ibilbideko balizak; beraz, oso gomendagarria da pentsatzea zer ordenatan egingo diren balizak korrika irten aurretik.

Baliza guztiek puntu 1 dute, eta ahalik eta denbora laburrenean puntu gehien pilatzen dituen parte-hartzaileak irabaziko du. Ez da nahitaezkoa baliza guztiak pikatzea, eta ibilbidea amaitzeko gehieneko denbora 90 minutukoa da. Gehieneko denbora gaindituz gero, puntu bat kenduko da atzeratutako minutu bakoitzeko. Hau da, ibilbidea 90 minutu eta 20 segundotan amaitzen bada, puntu 1 kenduko zaio lortutako puntuazioari; 97 minutu eta 14 segundotan amaitzen bada, berriz, 8 puntu kenduko dira. Denbora muga 15 minutu baino gehiagotan gaindituz gero, puntu guztiak galduko dira.

Lineako ibilbide baten eta score ibilbide baten arteko aldea honako hau da:

Lineako ibilbidea

Jarraitu beharreko ibilbidea mapan dator.

Nahitaezkoa da ordenan joatea eta baliza guztiak pikatzea.

Ibilbidea egiteko denbora gutxien behar duenak irabaziko du.

Score-ko ibilbidea

 

Irteera, helmuga eta kontrolak baino ez dira agertzen mapan.

Ez da nahitaezkoa kontrol guztiak pikatzea, eta parte-hartzaileak aukeratzen du ordena.

Puntu gehien lortzen dituenak irabaziko du. Berdinketa gertatuz gero, denbora gutxien behar izan due

Ibilbideari dagokionez, azpimarratu behar da erabat debekatuta dagoela parte-hartzaileek igogailuak eta eskailera mekanikoak erabiltzea, trazatua eta proba ez indargabetzeko.

BERRIA

Gorria ——— 5,8 km, desnibela 80m  eta 30 baliza

Laranja ——— 4,2 km, desnibela 60m eta 24 baliza

Horia ——— 2,6 km, desnibela 40m eta 17 baliza

 

Honako hauek dira parte hartzeko kategoriak:

  • Gorria mutilak.
  • Gorria neskak.
  • Gorria taldean (ez du ligarako sailkatzen)
  • Laranja mutilak.
  • Laranja neskak.
  • Laranja taldean (ez du ligarako sailkatzen)
  • Horia mutilak.
  • Horia neskak.
  • Horia taldean (ez du ligarako sailkatzen)

 

Ibilbide guztiek gurutzatu behar dute mapa ekialdetik mendebaldera zeharkatzen duen errepide nagusia (GI-2634). Erabat debekatuta dago errepidea zeharkatzea (eta horrela marraztuko da mapan 709 ikurrarekin), horretarako ezarritako azpiko pasaguneetatik izan ezik (708 ikurrarekin markatuta daude mapan).

ZERBITZUAK

Azpeitiko plazako Azoka Plaza eraikinean espazio bat jarriko da motxilak uzteko, hala nahi duten parte-hartzaileentzat.

MAPA

Ricardo Garcia Dengrak egin zuen mapa 2021eko azaroan, IOF araudiari jarraikiz. Proba 1:4.000 eskalako mapa batean egingo da, eta trazatzailea Oskar Gisasola izango da.

IZEN EMATEA

Izena emateko epea otsailaren 2an itxiko da, osteguna, 22:00etan. Antolatzaileak inskripzioa aldez aurretik ixteko eskubidea izango du, baldin eta aurreikusitakoa baino parte-hartzaile gehiago inskribatu bada; beraz, azken unera arte ez itxaron.

IZEN EMATEA

Inskripzio-oharrak:

PARTE-HARTZAILE GUZTIEK egon beharko dute izena emanda proban, nahiz eta laguntzaile gisa bakarrik joan. Ezin izango da inskripziorik egin probaren egun berean.

Antolakuntzak ez du bermatzen aldez aurretik izena eman ez duten pertsonek parte hartzeko aukera izango dutenik.

KOKAPENA

Harrera Azpeitiko plaza nagusian dagoen Azoka Plaza eraikinean egongo da. Irteera eta helmuga Azpeitiko plaza nagusian egongo dira.

Jarraian, probarako kokalekuak eta aparkalekuak jasotzen dituen mapa bat ageri da.

KONTAKTUA

Edozein zalantza edukiz gero, gurekin kontaktuan jarri hurrengo korreo helbidean:

info@gotorientazioa.org

LAGUNTZAILEAK