INFORMAZIOA JAIZKIBEL

Gipuzkoako V. Orientazio liga herrikoiaren 2. proba Jaizkibelko maldetan burutuko da, zeazki Guadalupeko eremuan.

Alberto Tapiz 2018. urteko otsaila eta martxoan egindako mapa berrian.

Probaren harrera gunea, Guadalupe Santutegian izango da, parkinga eta probako helmuga kokatua dauden lekuan. Guadalupera iristeko Hondarribia eta Lezo lotzen dituen GI-3440 errepidea jarraitu behar da. Kalkulatu 15’ bat minutu behar direla Hondarribitik iristeko

 

INGURUAREKIKO ERRESPETUA

Proba behiak eta zaldiak dauden gune natural batean ospatuko da. Beraz animaliekiko bai eta inguruarekiko errespetuz jokatzea eskatzen da. Txakurrak eramaten duzuenok, mesedez lotuta eraman. Eta aurkitu ditzakezunen hesi edo langak itxita utzi.

Proba, Natura 2000 sarearen barruan kokatzen den gune batean izango da, eta beraz ingurunearekiko errespetua eskatzen da.

 

IZEN EMATEA
Izen emate epea urtarrilaren 30ean osteguna gaueko 22.00 tan itxiko da. Antolaketak, parte hartzea uste baino haundiagoa bada, izen ematea lehenagotik ixteko aukera izango du, arren ez itxaron azken unera arte izena emateko. 
Oharrak:
Parte hartzaile GUZTIEK izena eman behar dute proban, nahiz eta laguntzaile moduan joan soilik. 
Antolaketak ez du bermatzen izen eman gabekoentzat parte hartzeko eskubiderik.

 

ZERBITZUAK
Mendi ingurua izanik ez dago ez komunik ez eta dutxarik ere. Guadalupen dagoen iturri bakarra ematen duen ura ez da edangarria (nahiz eta jende askok edaten duen). Ura etxetik eramatea aholkatzen da.

 

IBILBIDEAK 

Gorria———— 4,15 Km (Aurreratua)   15 baliza   290 m. desnibel

Laranja———- 3,4 Km (Heldu hasi berriak)  13 baliza   200 m. desnibel

Horia————- 2,36 Km (Familia eta umeak)  14 baliza  170 m. desnibel

Mendi proba bat izanik eskakizun teknikoa hiri inguruan egiten direnak baino handiagoa du.

Betiko 3 ibilbide egingo dira eta partaide bakoitzak erabaki beharko du bere gaitasunetara hobeto egokitzen den ibilbidea:

  • Ibilbide Gorria: Kirola ezagutzen duten partaideentzat.
    • Ezaugarri teknikoak:
      • Ibilbideak ez ditu elementu linealak jarraitzen.
      • Zenbait momentuetan mapan kokatu eta birkokatzeko zailtasunak egon daitezke.
      • Maparen irakurketa zehatza beharrezkoa izan daiteke.
      • Ibilbide ezberdinak aukeratu daitezke.
  •  Ibilbide Laranja: Kirol honetan duela gutxi hasi direnentzako.
    • Ezaugarri teknikoak:
      • Ibilbidean zehar lagungarriak izan daitezkeen elementu lineal (bideak, hesiak, eta abar) dexente aurkituko ditugu.
      • Mapan kokatu eta birkokatzeko erreferentzia garbiak aurkitu daitezke.
      • Atake puntu errazak.
      • Balizak erraz topatu daitezkeen elementuetan daude.
      • Ibilbide ezberdinen aukeraketa txikia da.
  •  Ibilbide horia: Familia, gazte edo orientazio frogarik egin ez dutenentzat.
    • Ezaugarri teknikoak:
      • Ibilbide gehiena bideetatik doa.
      • Balizak bidetik gertu daude.
      • Ez dago ibilbide ezberdinen aukeraketarik.

Ohar garrantzitsuak

  • Txakurrekin parte hartu nahi dutenei gogoratu mendian lotuta eraman beharko direla momentu oro, inguruan ganadua ibiltzen da eta. Norberaren ardura izango da txakurra lotuta eramatea eta baldintza hau bete ezean parte hartzailearen denbora ez da aintzat hartuko. Norbaitek txakurrarekin parte hartu nahi badu jar dadila harremanetan antolaketarekin info@gotorientazioa.org
  • Baliteke orientazio eremuan ganadua ibiltzea, horrela balitz, erespetuz eta zentzuz jokatzea eskatzen da.
  • Antolaketa errazte aldera, eta ingurumenaren mesedetan, eskertuko genuke kotxeak ahalik eta gehien partekatuko balira.
  • Mapa eta eremuari dagokionez. Ibilbide gorrian eta laranjan polainak eramatea gomendatzen da. Eta mapari dagokionez, esan behar da mendian ganaduak egindako hainbat bide daudela, eta guztiak ez direla irudikatu nabarmenenak soilik.
MAPA
Mapa, 2018ko otsailean Alberto Tapizek egindakoa da. Proba, 1:7.500 eskalako mapekin egingo da ibilbide gorri eta laranjaren kasuan (A4 tamainuan), eta horia berriz 1:5.000 eskalan (A4 tamainuan). Ibilbidearen trazatzaileak Gorka Obeso eta Aran Lertxundi izango dira.